32. Талын өглөө

Үнэгэн харанхуй сийрээд

Үүрийн гэгээ тэмдэгрээд

Үлгэр тууль жаргахын цагт

Үнэн түүх тодормуй

Талаас ургасан наран

Торолгүй мандан дээшилсээр
Түмэн зүйл амьтныг алагчлалгүйгээр гийгүүлэхүй
Түгээмэл шид нь бүрдээд түвшин амгалан тогтмуй
Самуурал, завхрал, мунхрал хийгээд мунаглал
Саар, саад, залхуурал хийгээд зайданчлал
Сувьдаг шунал, хилэн, тачаал хийгээд тарчлаалт
Сондгойрол, холбирол, хэлбэрэл хийгээд хэлбэлзэл
Адбиш гэрэлд нь хуйхлагдаад
Амь тавин тэмцэлдээд
Ад зэтгэрийн хүч нь
Амьсгал хураан далдармуй
Талд мандсан наран
Таван тивийг гийгүүлээд
Түгээмэл гэрэл нь цацарсаар
Түмэн сэхээрлийг түгээмүй