Огторгуйн цагаан гарди

Зүрхэн тольтыг доргиож
Зүйрлэшгүй яруухнаар эгшиглэгч
Зүсэн зүйлийн бодлын
Зүг чигийг заагч
Хоёр ертөнцийг холбож
Хорвоогийн явдлыг хүүрнэгч
Хүсэл сэтгэлээр минь жигүүрлэж
Хөхрөгч огторгуйгаар орчигч
Ганцаардсан сэтгэлийн хань
Гансрал зовлонг үргээгч
Гариг эрхсийн хооронд чөлөөтэй нэвтрүүлэгч
Ган төмрөөс амилсан гангар цагаан хун минь Сэтгэлээс минь ундарсан эгшиг
Сэрүүн тунгалаг аялгуу
Сэрж мэдрэх шалтгаан
Сэлүүр далбаагүй хөлөг минь
Атганд багтсан ертөнц
Алаг зүрхний хэлмэрч
Асар тэнгэр рүү цойлсон
Ажнай хурдан хүлэг минь
Унаж босох үед минь ч
Урвайн доройтох цагт минь ч
Улалзах төдий дөлийг минь
Улаан гал болгон өрдөж
Хагацаж салахыг мэдэхгүй
Хамтдаа үргэлж байгаарай
Хар цагааныг ялган
Харилтгүй хангинан дуурсаарай!