9. Алтай Баатар эцэг

Алтай баатар эцэгтэй
Аргамаг хүлэг морьдтой
Ай түмэн баатруудтай
Ачит хан эцэг минь
Үлгэр домгийг амилуулсаар
Үнэн түүхээ сэргээсээр
Үйл хэргээ үргэлжлүүлэхээр
Үндэс угсаагаа мандуулахаар
Дөмөн дөмөн хүлгээрээ дөмөлзүүлэн хатируулсаар
Дөрвөн түмэн Ойрадаа тэргүүлэн ирлээ
Дөтлөн ирэх бараанаар нь
Дайснууд нь хэрдхийн цочив
Сүр сүлд нь зайлж
Сураг чимээгүй талийв
Сайн нөхөд нь баясаж
Саравчлан саравчлан өндөлзөв
Тэнгэрийн хуур-товшуур минь
Тэнгэр газрыг холбонхон дуурьс
Тэнгэрлиг Дээдсүүдийн замыг хурайлан уянгал
Тэнхээ чадлыг нь тэтгэн тэтгэн эгшиглэ
Алтай Хаанаас тасалсан
Ариун гал минь бөхөшгүй
Аав ээжээс өвлөсөн
Алтан нутаг минь халдашгүй
Хаан Алтай эцэг минь
Хан буурал аав минь
Хатан зоригт өвгөд минь
Хөх Монголыг минь ивээж хайрла
Үрс балчруудаа манаж
Үйл юуг нь дэмнэж
Үг хэлийг нь цэгцэлж
Үндэс мөчрөө бөхөлж хайрла
Хурай Хурай Хурай
Хурай Хурай Хурай
Хурай Хурай Хурай