Хайрлахгүй бол харахгүй
Сонсохгүй ээ чи сонсохгүй
Сонордсондоо итгэхгүй бол сонсохгүй
Мэдрэхгүй ээ чи мэдрэхгүй
Мэхийн хүндлэхгүй бол мэдрэхгүй
Чадахгүй ээ чи чадахгүй
Чадахыг хичээхгүй бол чадахгүй
Харагдахгүй ээ бид харагдахгүй
Хайраа нээхээс нааш харагдахгүй
Сонсуулахгүй ээ бид сонсуулахгүй
Сэтгэлээ засахаас нааш сонсуулахгүй
Мэдрүүлэхгүй ээ бид мэдрүүлэхгүй
Мунхаглахаа болихоос нааш мэдрүүлэхгүй
Өөрийгөө засчихаад Өвгөд биднийг хараарай
Өөрийгөө ялчихаад Өндөр Дээдсүүдээ яллаарай
Хий биетэй болчихоод хэлэх гээд үзээрэй
Хийсгэлэн дүртэй болчихоод харагдах гээд үзээрэй
Гавал тархиа нээгээд үзээрэй
Гажсан бодлуудаа цэгцлээд үзээрэй
Хамаг бүхэн холбоотойг
Хэлхэлдсэн учиг шалтгаантайг мэдээрэй
Зүрх хуурдаггүйг санаарай
Зүүд нойроо манаарай
0 сэтгэгдэл:
Kommentar veröffentlichen