Гэрэл

Алсаас ажиглан дагагчид минь
Алхам бүрийг минь хянагчид минь
Амьсгал бүрийг минь тоологчид минь
Амь насыг минь атгагчид минь
Харанхуйг нэвтлэх гэрэл байгаач
Харыг цайруулах хүч байгаач
Хийрхэл солиорлын намгаас суга татаж аваач
Хар дарсан зүүднээс тас алгадан сэрээгээч
Өнгө мөнгөний хорвоод үнэнийг зарлан тунхаглаач
Өөдгүй муусайн амьтдын өчүүхнийг мэдрүүлээч Өлөн хоосон сэтгэлтний шуналыг даран цатгаач Өмхөрч илжирсэн бүхнийг оргүй хийсгэн тонилгооч
Бутарсан бүхнийг цуглуулаач
Бугшсан бүхнийг шахаач
Бузар булайг дэлгээд
Бултах газаргүй болгооч
Мунхарч үймсэн түмнийг мунаар нүдээч
Мулгуу усан тархинд нь ухаарлын гэрэл тусгаач
Мухар сүсгээс салгаж мөнх бусыг таниулаач Мухардал гацаанаас гаргаж зам зааж өгөөч
Өнгөн гадаргыг нэвтлэх хүч өгөөч
Өөрийг минь эндүүгүй таниулаач
Өөрийн бүхнийг минь дөхүүлээч
Өөртөө эзэн байлгаач