18. Бороо

Өчигдрийн нулимс
Өнөөдөр бороо болон асгарна
Өнгөрсөн бүхэн
Өөрийн өр төлөөстэй
Алдаа эндэл нь лай болон ирнэ
Амжилт бүтээл нь аз болон хурна
Авсан бүхнээ эргүүлэн өгнө
Алдсан бүхнээ эргүүлэн авна
Тоомжиргүй хэнэггүй яваад
Торж бүдэрнэ
Том толгойлсоны хариуд
Толгойгоо ч алдана
Үйлийн үрээ үүрч барна
Үглэж дуулаад тусыг эс олно
Үнэний замаас хазайлгүй явбал
Үхэхийн цагт айдас үгүй болно
Хамаг бүхэн ээлжтэй
Халагдаж солигдох хуультай
Хэлхэлдэж сүлбэгдсэн учигтай
Хэцүү бэрх шалтгаантай
Өчигдрийн нулимс
Өнөөдөр бороо болон асгарна
Өнгөрсөн бүхэн
Өөрийн өр төлөөстэй