Хөөрөн дэгдэхэд бэлхэн хөнгөн
Хөнгөнөөр хөөрч хөндийг дүүргэн тархана
Газрын татах хүчинд үл автах хөнгөн
Газар тэнгэрийн завсар орших хөнгөн
Барьцалдаж наалдаж хавчигдахгүй хөндий
Буй бүхнийг чөлөөтэй нэвтрүүлэх хөндий
Доош татан үл чангаагч хөнгөн
Дээш дээш нь хөөргөн нисгэх хөнгөн
Үл баригдах, үл барьцалдах, үл шүргэлцэх
Үүл лугаа зэрэгцэн үйлдэгч хөнгөн
Хоосон гэмээнэ хоосон бус
Хий гэмээнэ хий бус бодтой
Бүхий л чиглэл хэмжээст чөлөөтэй нэвтрэх хөнгөн
Бүхий л хэлбэр загварт эргэн хөрвөх хөнгөн
Алслан холдож айлчлан ирэхэд бэлхэн
Агаарт эргэлдэн хөнгөнөөр бүжин наадна
Хөнгөнөөр хөөрөн дэгдэж
Хөнгөнөөр уусан шингэж
Хөнгөнөөр тархан нэвчиж
Хөнгөнөөр хуран цугларч
Хөнгөнөөр хүртэн түгээж
Хөнгөнөөр сарнин бутарч
Хөнгөнөөр орчин оршму
0 сэтгэгдэл:
Kommentar veröffentlichen
Click to see the code!
To insert emoticon you must added at least one space before the code.